Opozita sot në shesh/ “Shqipëria në rrezik”, qytetarë dhe shitës ambulantë, ja situata para protestës (VIDEO)

Vijojnë përgatitjet për protestën që do të mbahet sot në orën 19:00 para godinës së Kryeministrisë.

Tubimi është thirrur nga kryetari aktual i Partisë Demokratike Sali Berisha dhe është i pari që ai organizon që pas marrjes së drejtimit të kësaj force politike.

Nën moton “Shqipëria në rrezik” dhe “Mos thuaj ç’më duhet mua” qytetarët do të mblidhen për të protestuar kundër situatës së rënduar ekonomike dhe cmimeve të rritura.

Policia ka bllokuar lëvizjen e mjeteve në këtë pjesë të bulevardit “Dëshmorët e Kombit”.

Sistemi i ndricimit dhe fonisë është ngritur së bashku me podiumin ku pjesëmarrësit pritet të mbajnë fjalimet e tyre.

Gjithashtu edhe shitësit ambulantë ndodhen përreth në mënyrë që protestuesit të kenë mundësi të blejnë artikujt e nevojshëm, në varësi të orëve që do qendrojnë në shesh./ Fast News Albania