LIGJET E BIZNESIT
Kryebashkiaku i Pangait në Greqi, Philippos Anastasiadis ka bërë me dije vendosjen e gjendjes së jashtëzakonshme në fshatrat përreth zonës ku ra avioni i mbushur me armë gjatë mbrëmjes e djeshme.
Duke folur me gazetarët, ai kërkoi nga banorët e fshatrave që të mos i afroheshin zonës as në këmbë.
Ndërkohë mësohet se lëvizja e makinave dhe mjeteve bujqësore në zonë është e ndaluar pasi sipas tij nuk dihet ende se sa mund të jenë shpërndarë copat e shkatërruara të avionit të rrëzuar, por edhe armët që ndodheshin në të.
Ka të dhëna që avioni ishte duke transportuar 12 ton armë, kryesisht predha mortajash dhe kjo e bën të rrezikshëm lëvizjen në zonë.
Autoritetet vendase presin mbërritjen e kompanisë speciale ndërdisiplinore të mbrojtjes bërthamore, biologjike dhe kimike, e cila do të kontrollojë pluhurin e bardhë që është shpërndarë rreth rrënojave të avionit dhe do të vendosë nëse ato kanë rrezikshmëri për banorët.
Droni zbuloi anëtarët e ekuipazhit të vdekur
Gjymtyrë njerëzore të copëtuara dhe pa shenja jete, këto janë gjetjet më të fundit nga droni i zjarrfikësve dhe kamerat termike të përdorura, mëngjesin e së dielës, në zonën ku u rrëzua avioni Antonov, midis vendbanimeve Paleochori dhe Antifilippi, në komunën e Pangaios të Kavals.
