“Nesër dita e madhe” Sali Berisha jep detaje për protestën, ka dhe një mesazh për Edi Ramën

Ish-kryeministri Sali Berisha ka dalë me një paralajmërim të fortë për Policinë e Shtetit.

Ai bën thirrje për  protestën që do të zhvillohet nesër në orën 19:00 në Tiranë.

“Paralajmëroj të gjithë llojet e policëve se çdo presion, çdo qëndrim, çdo përpjekjeje për të intimduar, dhunuar, penguar popullin opozitar do të regjistrohet dhe do të marr ndëshkim personal të merituar ligjor. Paralajmëroj të mos provokojnë protestuesit.

Është e vërtetë që vapa dhe temperaturat janë të larta por me të larta janë emërtuarat e brendshme  të njerëzve që protestojnë ndaj këtij regjimi. Nesër është dita e madhe, ditë frymëzimi. Opozita zbret në shesh si opozitë e vërtetë pas kaq vitesh. Rama i ftuar të mendojë dorëheqjen e tij sa më pare”, paralajmëron Berisha.