Policia e Shtetit informoi sot se gazetari dhe analisti Kastriot Myftaraj i dha fund jetës duke u hedhur nga kati i katërt i banesës ku jetonte në lagjen “Ali Demi” në Tiranë.
Sipas informacioneve ishte nëna e 60-vjeçarit me të cilëtn ai banonte, që konfirmoi ngjarjen tragjike dhe siç duket e ka parë kur ai ka kryer aktin e rëndë.
Prej kohësh ai drejtonte emisionin “Ju flet Moska”. Emisioni i fundit i gazetarit “Plan për atentat ndaj një pronari mediatik“ ishte më 17 qershor.
Prej kësaj date, analisti nuk ishte shfaqur më në ekran.
Burime për Euronews Albania bëjnë me dije se Myftaraj ishte diagnostikuar me kancer para një jave dhe ndodhej në gjendje të rënduar psikologjike.
“Më datë 07.07.2022, rreth orës 12:55, në lagjen “Ali Demi”, dyshohet se është vetëhedhur nga kati i katërt i banesës ku banonte, shtetasi Kastriot Myftaraj, 60 vjeç, i cili si pasojë ka ndërruar jetë”, njoftoi policia.
