“Në Europë duhen 2.3 mln euro për km” Çmimi i lartë për ndërtimin e rrugëve, Berisha akuzon qeverinë

Ish-kryeministri Sali Berisha ndodhet sot në Belsh.

Aty ai po mban një takim me fermerët dhe ka akuzuar qeverinë për ndërtimin e rrugëve me një  çmim shumë herë më të lartë se në Europë.

Berisha tha se në Europë, rruga në fushë ndërtohet me 2.3 mln euro km, ndërsa në Shqipëri ndërtohet me 21 mln euro.

“ Deklarojnë se po investojnë në vaditje. Kemi lënë një projekt 140 mln euro të Bankës Botërore për kanalet e Myzeqesë, nuk i kanë përfunduar. Pse ndërtuam hidrocentralin e Banjës, sepse kjo duhet të jetë vepër kryesore vaditëse për të gjithë ultësirën. Kanë bërë ndonjë kanal? Nuk ekziston për ta problemi i bujqësisë. Për këta ekziston vetëm rruga. Nëse në Europë ndërtohet rruga me 2.3 mln euro për kilometër në fushë, këta e ndërtojnë me 21 mln euro”, u shpreh ish-kryeministri në fjalën e tij.