Një tjetër miqësore do të luhet natën mes të shtunës dhe të dielës.
Numërimi mbrapsht ka nisur: Juventus dhe Real Madrid do të takohen në Kaliforni.
Turneu Veror i nënshkruar nga tre ekipet Juventus, Real Madrid dhe Barcelona do të inkurajohet nga një tjetër lëvizje: vazhdimi i projektit të Super League, i vendosur në ngrirje pas kundërshtimit të ashpër të UEFA-s, por asnjëherë i lënë mënjanë nga tre klubet disidente.
Sipas Tuttosport, tre presidentët (Agnelli, Perez dhe Laporta) janë duke punuar për një format “më meritokratik”: një strukturë grupore, e aftë për të akomoduar promovime dhe rënie, e hapur për të gjithë.
Hapi i parë për t’i zbuluar projektin e ri botës do të varet rreptësisht nga verdikti i Gjykatës Evropiane të Drejtësisë – i parashikuar mes 2022 dhe 2023. Në fillim të korrikut, të tre klubet kishin denoncuar një “abuzim të pozicionit dominant” nga ana e UEFA-s në lidhje me cështjen e Super League. Një ide që kishte marrë dhe mbi të gjitha kundërshtimin e shumicës së qeverive kombëtare dhe opinionit publik. Prandaj, grupi i vogël i klubeve kundërshtarë të UEFA-s ka sjellë në jetë një version më të lehtë dhe më të tretshëm, shumë të ngjashëm me formatin e ri të Champions.
Modeli i ri do të ketë dy grupe me 14/16 ekipe, të ngjashme me konferencat në sportin amerikan. Largohet kështu sistemi i 12 ekipeve fikse, duke u hapur në një sistem më të gjerë dhe meritokratik. Në fakt, grupet janë të lidhura me një situatë promovimesh dhe rëniesh, që do të lejojë hapjen e Super Legue për të gjitha klubet. Për më tepër, turneu i ri do të zhvillohet paralelisht me kampionatet tradicionale, të cilat do të vazhdojnë të ofrojnë rrugë aksesi për kompeticionet ndërkombëtare. Super League do të trashëgonte kështu vlerat e theksuara evropiane, duke e riemëruar veten si Ligë e Bashkimit Evropian. E gjithë kjo, pa harruar parimin kryesor të kompeticionit të ri: të ofrojë spektakël dhe nivel absolut futbolli në çdo ndeshje dhe në çdo ekran.
