Ndërron jetë 21-vjeçarja, e pickoi mushkonja në ballë

Një pilote praktikante 21 vjeç nga Britania e Madhe vdiq pasi u pickua nga një mushkonjë në ballë. Oriana Pepper nga Bury St Edmunds, Suffolk kishte pësuar një infeksion nga pickimi i mushkonjës, që më pas iu përhap në tru.

Ajo u shtrua në spital më 7 korrik të vitit të kaluar në momentin kur iu përhap infeksioni. Mjekët rekomanduan antibiotikë të cilët nuk e ndihmuan.

Dy ditë pas pickimit, e ndjera u rrëzua para të dashurit të saj James Hall, i cili e dërgoi me urgjencë në spital. Pepper vdiq në spital më 21 korrik të vitit të kaluar, raporton The Independent.