Reperi Arkimed Lushaj, i njohur si Stresi duket se ka pasur lidhje me 2 prej të vrarëve dje në masakrën e Fushë-Krujës.
Ai mbrëmjen e djeshme ka publikuar foto të bisedës së fundit dhe ka shprehur me një mesazh dhimbjen për ndarjen nga jeta të 23-vjeçari Brilant Martianajt, me të cilin me sa duket ka pasur lidhje të afërt.
Ndërsa sot ai ka postuar në instastory një video të mikut të tij teksa këndon një këngë me tekst ‘Mos u mërzit, kështu e ka jeta’.
23-vjeçari u ekzekutua në një atentat te Mbikalimi i Fushë-Krujës së bashku me miqtë e tij Besmir Hoxha dhe Dikler Vata.
Ndaj makinës me të cilën lëviznin tre të rinjtë u qellua me breshëri kallashnikovi rreth 90 herë, dhe më pas makinës iu vu flaka dhe Martinaj e Hoxha u dogjën brenda saj.
Vata mundi të dalë nga makina, por që nuk u la i gjallë nga atentatorët të cilët u kthyen dhe e ekzekutuan.
