“Mezi pres të rikthehem” Konventa e LSI, Ilir Meta bën deklaratën e fortë

Ish-presidenti Ilir Meta ka mbajtur fjalim në Konventën Kombëtare të Lëvizjes Socialiste për Integrim në Pallatin e Kongreseve.

Ai paralajmëroi se do të rikthehet pas 25 vitesh për të përmbushur mandatin e dytë.

“Mos harxhoni energji të panevojshme sepse edhe vapa është e padurueshme dhe na duhet shumë punë nga sot e gjatë gjithë gushtit që të kemi një vjeshtë ripërtëritëse për rininë dhe Shqipërinë.

Dje siç kisha premtuar publikisht dorëzova sipas Kushtetutës detyrën më të lartë në këtë shtet atë të presidentit. Përfundova mandatin e parë si president dhe në këtë mënyrë pata edhe eksperiencën e të provuarit Kryeministrit, kryetarit të Parlamentit dhe presidentit. Dikush më pyeti nga këto të treja ku je ndier më mirë, padiskutim në detyrën e Presidentit të republikës së Shqipërisë, mezi pres të rikthehem pas 25 vitesh për të përmbushur mandatin e dytë.” tha Meta.