Me 14 thasë ko kainë nëpër Angli dhe me dokumente greke, e pëson trafikanti shqiptar

Drejtësia britanike ka dënuar me pesë vite burg në Britaninë e Madhe një 28-vjeçar shqiptar pasi është kapur duke trafikuar kokainë.

Veli Rakepi u ndalua nga policia angleze në 8 shkurt të këtij pas dyshimeve ndaj tij për trafik droge. Gjatë një kontrollit, policia gjeti se Rakepi kishte në posedim 14 thasë të vegjël kokainë, si dhe 445 paund cash.

Hetimet e mëtejshme e çuan policinë në mjedisit e një lokalit ku gjetën leje drejtimi dhe kartë identiteti greke që mbante një emër tjetër, por me fotografinë e Rakepit. Hetimet në Njësinë Kombëtare të Mashtrimit të Dokumenteve identifikuan se këto dokumente ishin të falsifikuara.

Ai u deklarua fajtor ndërsa vetë Rakepi pretendoi se e kishte gjetur drogën në një park pak para ndalimit të tij nga policia. Ndërsa shtoi se kishte ndërmend ta përdorte drogën për përdorim personal. Pas një gjyqi dyditor ai u shpall fajtor nga juria për të gjitha veprat penale. Rakepi u dënua me pesë vjet e gjashtë muaj burgim. Ndërsa i është ndaluar edhe drejtimi i mjetit për gjithsej 57 muaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern