Mbi 480 zjarrfikës në luftë me flakët në Athinë , avionë dhe helikopterë në vendngjarje

Qindra zjarrfikës janë duke luftuar me zjarrin që shpërtheu dy ditë më parë në shptatet e malit Penteli në periferinë veriorë të Athinës.

Sipas mediave vendase mësohet se banorët e qyteteve Anthousa dhe Draf janë evakuuar pasi flakët iu afruan shtëpive të tyre. Gjithashtu dhe spitali i asaj zone është evakuuar plotësisht.

Në një deklaratë departamenti i zjarrfikësve bënë me dije se aktualisht në vendin en gjarjes ndodhen 485 zjarrfikës me 28 ekipe tokësore dhe disa vullnetarë, të ndihmuar nga 120 makina zjarrfikëse, tre avionë që hedhin ujë dhe pesë helikopterë po luftonin me flakët e shumta në Pallini, Anthousa, Penteli, Drafi dhe disa zona të Gerakës.

Era e fortë ka favorizuar flakët e zjarrit të cilat po përhapen me shpejtësi duke e bërë gjithnjë e më të vështirë marrjen e tyre nën kontroll.

Fatmirësisht deri më tani nuk ka të lënduar, ndërkohë të paktën 10 shtëpi janë djegur tërësisht në Drafi dhe tre në Penteli.