Kujdes/ AKU bllokon këto lloje patatinash, thirrje konsumatorëve: Kthejini aty ku i keni blerë

Autoriteti Kombëtar i Ushqimit ka paralajmëruar qytetarët shqiptarë që të mos konsumojnë patatinat e misrit “Natural Organic Tortilla Chips 125 g”.

Sipas këtij institucioni, në bazë të përgjigjeve të analizave të kryera në Gjermani, ka rezultuar se në këto patatina ka prani të alkaloidëve atropinë dhe skopolaminë.

Më tej, u bëhet thirrje të gjithë personave që kanë blerë patatina të tilla, t’i kthejnë ato në pikën e shitjes ku i kanë marrë.

Njoftimi i Plotë nga AKU:

29.7.2022
NJOFTIM PËR KONSUMATORIN!
Referuar njoftimit të ardhur nga sistemi RASFF, ku pas analizave laboratorike të kryera në Gjermani është konstatuar prani e alkaloidëve atropinë dhe skopolaminë në patatina misri “Natural Organic Tortilla Chips 125 g”.
Autoriteti Kombëtar i Ushqimit ka ndërmarrë të gjitha masat e nevojshme për bllokimin e produktit.
Në bashkëpunim edhe me operatorët e biznesit ushqimor, janë kryer njoftimet paraprake për thirrjen për konsumatorët që e kanë blerë këtë produkt që të mos e konsumojnë atë, por ta kthejnë pranë subjektit, ku e kanë blerë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern