Krizë e madhe/ Vodhi 172 litra naftë, arrestohet punonjësi në Vorë

Policia e Tiranës ka finalizuar operacionin e koduar “Fuel”, për goditjen e veprimtarisë kriminale në fushën e vjedhjes. Gjatë aksionit, policia ka arrestuar një 35-vjeçar, i cili ka vjedhur një sasi të konsiderueshme nafte nga ekskavatori i një kantier ndërtimi.
Në pranga është vënë dhe një shtetas tjetër, i cili e ka blerë me vetëdije naftën e vjedhur.

Njoftimi i policisë:

Shërbimet e Komisariatit të Policisë Vorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan me sukses operacionin policor të koduar “Fuel”.
Si rezultat i operacionit u vunë në pranga shtetasit:
– J. S., 35 vjeç, banues në Vorë, për veprën penale “Vjedhja”;
– P. K., 31 vjeç, banues në Vorë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.
Nga verifikimet e kryera ka rezultuar se shtetasi J. S., ka vjedhur rreth 172 litra karburant, nga ekskavatori i një firme ndërtimi dhe më pas ia ka shitur shtetasit P. K., i cili ishte në dijeni që karburanti që kishte blerë, ishte i vjedhur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern