LIGJET E BIZNESIT
Në kulmin e luftës në Ukrainë, një nga diskutimet që bëhet më shumë në rradhët e opinionit publik është fakti se kush mund të trashëgojë “fronin” presidentit të Rusisë Vladimir Putin në rast se ai lë postin.
Spekulimet u rritën sidomos pas pamjeve për shëndetin e 69-vjeçarit.
Pas videove të publikuara, Putin supozohet se është parë duke u dridhur ndërsa flet, apo ka pasur edhe probleme me krahët.
Ka dyshime se vetë lideri është i vetëdishëm për përkeqësimin e shëndetit të tij dhe se kjo është një nga arsyet e pushtimit brutal të Ukrainës.
Shumë që argumentojnë se ditët e liderit janë të numëruara gjithashtu besojnë se ai është aktualisht në procesin e përgatitjes së vendit për pasardhësin e tij të zgjedhur për të siguruar vazhdimësinë e trashëgimisë së tij.
I brendshmi i Kremlinit, Dmitry Kovalev, përflitet të jetë një nga kandidatët kryesorë, me teoritë që qarkullojnë rreth tij se është rritur në popullaritet pasi ai u pa duke folur me Putinin gjatë paradës së fitores së 9 majit.
Kovalev, 36 vjeç, thuhet se ndan pasionet e Putinit për hokej mbi akull dhe është i punësuar në një pozicion të rëndësishëm në Kremlin.
