“Katër nëna v arrosën fëmijët”/ Laçianët ngrihen në protestë: Nuk kemi më të rinj për të sakrifikuar

Kriminaliteti i lartë, ka bërë që qytetarët në Laç të ngrihen në protestë. Në pak ditë persona të paidentifikuar dhe që sot janë në liri, vranë Diklen Vatën, Besmir Hoxhën, Brilant Martinajn dhe Klisman Preçi. Pasi katër nëna varrosën fëmijët disa qytetarë kanë protestuar për neglizhencën nga ana e shtetit në këto ngjarje kriminale.

“Liria është e shtrenjtë po vdekja akoma më shumë”.“Liria jonë e shitur e vuri shtetin në gjumë”. “Kurbini nuk ka më të rinjë për të sakrifikuar”, ishin disa nga thirjet e protestuesve të cilët marshuan nga Gjykata deri tek sheshi kryesor të qytetit dhe më pas drejt Komisariatit të Kurbinit.

“Katër nëna kanë varrosur fëmijët e tyre që më shpejt i gjeti hasmi sesa policia. Por pse jemi sot këtu? A është fajtor një 20 vjeçar? Është viktimë e një sistemi arsimor që nuk kultivon më vlera dhe dije por rrit oportunista dhe shfrytëzues. Është viktimë e kësaj qeverisje dhe të tjerave paraardhëse.”– u shpreh njëra prej protestuesve.