Ka punuar si sekretar në ministri/ Ja kush do të jetë krahu i djathtë i Presidentit Bajram Begaj

Drejtori i ri i Kabinetit të Presidentit Bajram Begaj do të jetë Eduart Seitaj.

Parardhësi i tij gjatë qendrimit në pushtet të ish-Kreut të Shtetit Ilir Meta, Edmond Panariti ka bërë këtë të hënë dorëzimin e detyrës.

Eduart Seitaj ka punuar si Sekretari i Përgjithshëm i Ministrisë së Transportit dhe Infrastrukturës kur ajo drejtohej nga Edmond Haxhinasto.

Në një postim në rrjetet sociale, Panariti shkruan: Pas një viti e gjysëm Drejtor i Kabinetit të Presidentit Meta, kalohet detyra te pasardhësi. Faleminderit President Meta.

Dje më 24 korrik, Presidenti Bajram Begaj mori detyrën zyrtarisht dhe u betua si kreu i ri i shtetit shqiptar.