“Jetojmë kot pa pikë arsye” Qytetarët ankohen në protestë: Duhet të ikin të gjithë këta plehrat

Teksa protestuesit janë mbledhur përpara godinës së Kryeministrisë, ata shprehen se sot janë mbledhur për rritjen e çmimeve dhe jetesën e papërballueshme.

Tubimi i sotëm pritet të zgjasë rreth dy orë.

Qytetarët janë nisur nga rrethet drejt Tiranës për t’iu bashkuar protestës.

“Për të drejtat e mia, të familjes time, po na ikin fëmijët. Protesta është një formë e vetme për rrëzimin e qeverisë, kemi dalë komplet me familjen.
Në protestë për hallet e përditshme”-tha një nga protestuesit.

“Copë, copë e veç punojmë! Jetojmë kot pa pikë arsye! Me 300 mijë lekë rrogë cca të blejmë, atje në Berat kemi halle nga më të ndryshmet, plaka ime jeton me një pension minimal, si do ushqehet po të mos jemi ne? Duhet të ikin të gjithë këta plehrat këtu!”-tha një tjetër.

“Këtu korrupsioni është i madh shumë, nafta, plehrat kimikë, jetesa është shumë e varfër, nuk ka, njerëzit kanë ardhur për hallet e tyre, se iu ka shkuar këmba deri në fyt. Është lidhur me Vuçiçin me hasmin tone”-tha një nga demokratët.