Kryetari i Partisë Demokratike Sali Berisha është shprehur se në vitin 2005 ish-kryeministri Fatos Nano bëri një akt për tu përshëndetur pasi kishte kontribuar në reformimin e vërtetë të Partisë Socialiste.
Për këtë ai vendosi që mos ta denonconte për akte korrupsioni.
Pyetje: Deklaruat se nuk i keni denoncuar aktet e korrupsionit të Nanos, a është kjo një formë amnistie edhe për Ramën?
Berisha: Jo. Nano ishte burgosur mbi bazën e një dosje të përgatitur nga faqja e parë te e fundit nga qeveria e PS-së. Ai ishte një reformator i PS-së. demokracia shqiptare e filloi jetën me arrestimin e kryetarit të opozitës. A u arrestua pa bazë? Jo. Por ishte një fillim i vështirë. Lideri i opozitës ishte në burg. Në 2005 Fatos Nano bëri një akt për tu përshëndetur, pasi kishte kontribuar në reformimin e vërtetë të PS-së. Ligji i parë që do votohet është heqja e çdo parashkrimi për kryeministrat dhe ministrat. Përndryshe nuk luftohet korrupsioni. Me veprat penale që ka kryer Rama, mendoj se ai justifikon para çdo trupi gjykues dënimet më të rënda që ka marrë ndonjëherë ndonjë njeri për korrupsion.
