“Ishte shpallur në kërkim” U gjet i pajetë në një pallat në ndërtim, policia identifikon viktimën

Të tjera detaje janë bërë të ditura nga policia lidhur me personin e pajetë të gjetur sot në Vlorë.

Uniformat blu informojnë se, trupi i pajetë i përket shtetasit G. R., 50 vjeç, me probleme të shëndetit mendor, i shpallur në kërkim për “Largim nga banesa”, më datë 07.07.2022.

“Në vijim të informacionit paraprak për një shtetas që u gjet pa shenja jete, në lagjen “Hajro Çakërri”, Vlorë, ju bëjmë me dije se trupi i pajetë i përket shtetasit G. R., 50 vjeç, me probleme të shëndetit mendor, i shpallur në kërkim për “Largim nga banesa”, më datë 07.07.2022.

Grupi hetimor vijon punën për zbardhjen e plotë të ngjarjes”,-njofton policia.