LIGJET E BIZNESIT
Detaje të reja janë zbardhur nga ngjarja e ndodhur në lagjen nr. 4 të qytetit të Sarandës. Bëhet e ditur se 34-vjeçari, Kleo Hysi, ka përfunduar në prangat e policisë pasi tentoi që të vriste ish-gruan e tij, nënë e dy fëmijëve.
Policia ka bërë me dije se i riu ka thyer masën e “Arrestit në shtëpi” që ishte vendosur për të nga Gjykata e Sarandës, duke shkuar në banesën ku 31-vjeçarja jetonte me bashkëjetuesin e saj, shtetasin Isuf Jacaj.
Gjithashtu policia ka njoftuar se ka arrestuar gjithashtu edhe një 55-vjeçar, i cili bashkëjetonte me shtetasen me iniciale F.C, pasi i është gjetur një armë e ftohtë.
Njoftimi i policisë:
Sarandë/Shërbimet e Policisë parandalojnë një ngjarje të rëndë kriminale në familje. Marrja në kohë reale e informacionit dhe reagimi profesional dhe i menjëhershëm i shërbimeve të Policisë, parandaluan përshkallëzimin e mëtejshëm të një konflikti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Theu masën e sigurisë “Arrest në shtëpi” dhe kërcënoi se do të vriste ish-bashkëshorten e tij dhe bashkëjetuesin e saj, me armë zjarri, vihet në pranga 34-vjeçari, në kuadër të operacionit policor të koduar “On time”.
Si rezultat i operacionit, shërbimet e Policisë kanë vënë në pranga shtetasin K. H., 34 vjeç, i cili kishte thyer masën e sigurisë “Arrest në shtëpi”, të caktuar për veprën penale “Vjedhja me dhunë”.
Gjatë kontrollit fizik të këtij shtetasi, shërbimet e Policisë gjetën dhe sekuestruan në cilësinë e provës materiale, një armë zjarri pistoletë me fishekë në fole, gati për qitje.
Po gjatë këtij operacioni, u bë dhe arrestimi në flagrancë i shtetasit I. J., 55 vjeç, pasi gjatë kontrollit fizik, iu gjet dhe iu sekuestrua një armë e ftohtë (përforcues grushti).
Materialet i kaluan Prokurorisë pranë Gjykatës së Rrethit Gjyqësor Sarandë, për veprat penale ” Largimi i të burgosurit nga vendi i qëndrimit”, “Mbajtja pa leje e armëve, armëve shpërthyese dhe i municionit” dhe “Dhuna në familje”, në ngarkim të shtetasit K. H, si dhe “Prodhimi, mbajtja, blerja apo shitja pa leje e armëve të ftohta” në ngarkim të shtetasit I. J.
