Ish-presidenti Ilir Meta ka dalë në një konferencë për media.
Ai sulmoi liderin e mëparshëm të Partisë Demokratike Lulzim Basha.
Meta rrëfeu se si e mësonte gjatë kohës që ishte president Bashën për të bërë rolin e opozitës.
“Lulush hajde këtu ti hajde se rregullojmë opozitën. Mos ki merak se e rregulloj unë këtë punë ti thuaj thjesht që unë do jem president. Ti do bëhesh kryeministër. E pastaj shpalli ky doktorin Non Grata dhe pastaj bëhej një teatër këtu që të tjerët frynin sytë se janë shumë pak që fryjnë xhepat”, u shpreh ndër të tjera Ilir Meta.
Pjesë nga sqarimi i Metës:
Nuk dua të flas, s’ka patur problem kalkulimi nga PD. PD ishin të gabuara për shkak të një besimi të tepruar që lidershipi i LSI i kishte dhënë PD. Kalkulimi i tyre ishte kriminal, një biznes i rënë dakord prej kohësh në kurriz jo vetëm të LSI por të gjithë shqiptarëve. Non-grata e Berishës ka qenë e hershme, kjo që ndodhi ishte gjoja artificial që ky digjte palmën këtu ai bënte mitingje në Berat. Kalkulimi ishte realizuar në akord. Edhe prishja e 5 qershorit ishte e akordësuar. I thashë Lulushit eja këtu, mblidh opozitën se janë prishur rregullat e lojës, i thashë eja këtu se do merrem unë. Njerëzit do të ti sjell unë, organizimin merrem vetë. I thashë vetëm thuaju që Meta do të jetë prapë president se presidenti do të zgjidhej, e ti do të jesh kryeministër. I thashë këtë që Lulushi të dilte me rritje që të mbrohej presidenti dhe PD që e trajtonin ashtu siç e trajtonin. Dhe pastaj shpalli dhe ky doktorin non-grata dhe dy njerëz që aktrojnë dhe të tjerët që fryjnë sytë se xhepat i fryjnë shumë pak veta.
