Grabiti 100 mijë lekë në dy dyqane me pistoletë lodër, arrestohet 28 vjeçari

Një 28-vjeçar ka rënë në prangat e policisë pasi grabiti dy biznese në Durrës me pistoletë lodër.

I riu nga Tirana, me iniciale Sh. Z., raportohet se grabiti një dyqan dhe një supermarket në qytetin bregdetar.

“Ky shtetas ka vjedhur me dhunë, duke përdorur një pistoletë lodër, në dy subjekte të ndryshme. Më datë 17.07.2022, në një dyqan, i ka vjedhur me dhunë shitëses, duke e kërcënuar me pistoletë lodër, shumën 45.000 lekë; Më datë 18.07.2022, në një supermarket, i ka vjedhur me dhunë shitëses, duke e kërcënuar me pistoletë lodër, shumën 56.000 lekë”, infomon policia.

28-vjeçari rezulton i dënuar më parë për vjedhje. Gjatë kontrollit fizik iu gjetën dhe sekuestruan në cilësinë e provës materiale një pistoletë lodër dhe një thikë, të cilat dyshohet se ky shtetas i përdorte për të kryer vjedhjet, si dhe një sasi parash.

Njoftimi i policisë

Finalizohet me sukses operacioni policor i koduar “Last move”.

Përdorte pistoletë lodër dhe armë të ftohta, për të vjedhur me dhunë në subjekte të ndryshme, vihet në pranga 28-vjeçari, i dënuar më parë për të njëjtën veprimtari kriminale.

Sekuestrohen një pistoletë lodër dhe një armë e ftohtë (thikë).

Specialistët për Hetimin e Krimit në Komisariatin e Policisë Durrës, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë penale, pas informacioneve të siguruara në rrugë operative, organizuan dhe finalizuan me sukses operacionin policor të koduar “Last move”, si rezultat i të cilit u kap dhe u ndalua, për veprat penale “Vjedhja me dhunë” dhe “Mbajtja pa leje e armëve të ftohta”, shtetasi në kërkim:

Sh. Z., 28 vjeç, banues në Tiranë, i dënuar më parë për veprën penale “Vjedhja”.

Nga veprimet hetimore ka rezultuar se ky shtetas ka vjedhur me dhunë, duke përdorur një pistoletë lodër, në dy subjekte të ndryshme, konkretisht:

Më datë 17.07.2022, në një dyqan, i ka vjedhur me dhunë shitëses, duke e kërcënuar me pistoletë lodër, shumën 45.000 lekë;

Më datë 18.07.2022, në një supermarket, i ka vjedhur me dhunë shitëses, duke e kërcënuar me pistoletë lodër, shumën 56.000 lekë.

Gjatë kontrollit fizik ndaj këtij shtetasi, shërbimet e Policisë i gjetën dhe i sekuestruan në cilësinë e provës materiale një pistoletë lodër dhe një thikë, të cilat dyshohet se ky shtetas i përdorte për të kryer vjedhjet, si dhe një sasi parash.

Vijojnë veprimet hetimore për dokumentimin e vjedhjeve të tjera që mund të jenë kryer nga ky shtetas.

Materialet procedurale i kaluan Prokurorisë, për veprime të mëtejshme.