FOTO/ Vr asësit zbrazën karikatoret për 120 sekonda, ja vendi në Milot ku u vr a Klisman Preçi

Një atentat mafioz tronditi të premten e kaluar Milotin, ku me breshëri armësh u qëllua drejt një mjeti të blinduar, më të cilin udhëtonin Ylli Brahimi dhe Klisman Preçi. Fatkeqësisht ky i fundit nuk u mbijetoi plagëve të marra dhe ndërroi jetën te Trauma, ndërsa Brahimi mbeti i plagosur.

Në fotot më poshtë shihni vendin ku iu bë atentati dy të rinjve, pikërisht pranë postës së Policisë në Milot dhe shumë afër banesës së tyre.

Ditën e djeshme detaje të reja dolën nga kjo ngjarje e cila tronditi mbarë opinionin publik. Burime për mediat bënë me dije se në drejtim të Preçit dhe Brahimit u qëllua pa ndërprerje për tre minuta me 103 plumba.

Në atentatin mafioz morën pjesë 4 vrasës me pagesë ku dy prej tyre zbrazën karikatoret, ndërsa dy të tjerë prisnin në automjet për t’i larguar.

27-vjeçari Preçi, u qëllua i pari pasi ai zbriti nga makina, ndërsa Ylli Brahimi ka hapur derën dhe ka tentuar të dalë nga mjeti në të cilin ishte si pasagjer, mirëpo ai ka hyrë sërish në makinë për t’u mbrojtur nga plumbat.