Ekzekutimi i trefishtë në Fushë Krujë/ Ervin Karamuço: Shqiptarët veprojnë si vra sës me pagesë edhe në Itali

Ervin Karamuço, profesor i kriminalistikës duke folur për vrasjen e trefishtë në Fushë-Krujë ka theksuar se gjurmët që autorët lanë pas, shërbejnë për të kuptuar se për cilat grupe kriminale bëhet fjalë pasi profilet policia i disponon.

Sipas Karamuços, në Itali ka mësuar se një ndër problematikat më të mëdha me të cilat po haset policia italiane është alarmi i shtuar nga vrasësit shqiptarë me pagesë.

“Marrin porosinë, kryejnë detyrën e largohen. Ky është një problem i brendshëm që po e eksportojmë. E kemi logjistikën publike që një njeri i zakonshëm të stërvitet. Ka shumë profesionistë…janë trajnuar edhe nga mafia ruse. Krimi i organizuar këtu është në gjeneratën e tretë”, ka theksuar Karamuço për Abc Neës.

Sa i përket ekzekutimit në fundjavë, Ervin Karamuço thotë se nuk duket si tipologji profesionistësh pasi rrezikuan shumë që të arrestoheshin në flagrancë.

Por si ia arrijnë autorët që gjithmonë të largohen pasi kanë kryer ekzekutime të tilla?

Ekspert i Kriminalistikës thotë se policia ka investuar në 10 automjete me radarë rrugor, por sistemi nuk është vënë në punë siç duhet.

“10 makina me radarë rrugorë, por s’janë vetëm për gjoba, janë edhe për të identifikuar edhe targat e vjedhura. Nëse do të ishin ata radarë do të ishte ishin identifikuar targat. Nuk e di pse s’i kanë vënë në funksion. Për këtë sistem është investuar dhe nuk është vënë në punë. Pritej të parandalonte shumë ngjarje kriminale.panorama