Një ngjarje e rëndë ka ndodhur në Itali, ku një punonjës i hekurudhës ka ndërruar jetë pas një ataku kardiak.
Mediet fqinje raportojnë se 62-vjeçari Carlo Palma ka pësuar atak në zemër, teksa ka qenë duke ndjekur një të ri hajdut, që i kishte vjedhur telefonin një vajze në stacion.
Dëshmitarët thonë se 62-vjeçari teksa e ndiqte të riun fillimisht ka ngadalësuar shpejtësinë, më pas është ulur në një stol dhe në fund ka humbur ndjenjat. Ekipet e shpëtimit u përpoqën ta mbajnë në jetë, por ishte e pamundur.
Ndërkaq, 17-vjeçari, i cili vodhi telefonin, u arrestua më pas nga policia.
