E pëson 26-vjeçari në Tiranë, kërkohej për trafik emigrantësh (Video)

Policia e Tiranës ka arrestuar një 26-vjeçar në kërkim për veprën penale “Ndihma për kalim të paligjshëm të kufijve”.

Shërbimet e Komisariatit të Policisë Nr. 6, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Circle”.

Si rezultat i këtij operacioni, në vendin e quajtur “2 rrathët”, në unazën e re, u bë kapja dhe arrestimi i shtetasit:
– Alban Mija, 26 vjeç, banues në Kamzë.

26-vjeçari iu dorëzua DVP Gjirokastër, për veprime të mëtejshme procedurale.