E para firmë si President/ Begaj dekreton shkarkimin e Ahmetajt dhe emërimin e Ballukut

Ndryshimet në qeveri sapo janë dekretuar.

Pas administrimit të propozimeve të kryeministrit dhe shqyrtimit të tyre,  Presidenti i ri i Republikës Bajram Begaj, ka dekretuar shkarkimin e Arben Ahmetaj nga detyra si Zëvendëskryeministër dhe ministër i Shtetit për Rindërtimin dhe Programin e Reformave.

Po ashtu Begaj, duke hedhur firmën e tij të parë që pas marrjes së detyrës, ka pranuar propozimin duke dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë.