Çmendet turma! Berisha mesazh direkt Ramës: Ne të dy sot jemi armiq! Kur të themi mbathja, do t’ia mbathësh

Kreu i PD, Sali Berisha, i është drejtuar me një mesazh të drejtë kryeministrit Edi Rama.

Ai tha se Rama do pushtetin për t’u pasuruar vetë dhe varfëruar qytetarët, kurse ai dhe qytetarët për t’i bërë shqiptarët e lirë.

“Shqipëria është në rrezik. Ishte kushtrimi që u ngriti juve në këmbë për ta shpëtuar atë. Vëllezër e motra ju jeni sot këtu, sepse ju nuk pranoni që qytetarët shqiptarë të jenë qytetarë të lirive dhe të drejtave të dhunuara. 32 vite më parë kur krijuam partinë e parë opozitare, diktatori i fundit dhe partia-shtet kishin në duar të gjitha pushtetet. Sot, pasardhësi i tyre, Edi Rama, ia mbathi.

Edhe pse ka të gjitha pushtetet, ka vendosur monizmin e plotë përsëri. Ia mbathi, përsëri do ia mbath. Orët e tij janë të numëruara. Në emrin tuaj i them Edi Ramës këto fjalë: Edi Rama ne të dy sot jemi armiq, jemi armiq. Po pse jemi? Zemra ime fjalë tjetër nuk nxjerr, sepse ti Edi Rama ke për ideal pushtetin, pushtetin dhe vetëm pushtetin, kurse me këta burra e gra, djem e vajza, kemi për ideal lirinë, lirinë dhe vetëm lirinë. Ne nuk veprojmë në pabesi, kur të themi mbathja, do t’ia mbathësh.”, tha Berisha.