LIGJET E BIZNESIT
Deputeti demokrat Samimir Korreshi në fjalën e tij në Kuvend nuk i ka kursyer ironitë për projektligjin e qeverisë për shtyrjen e moratoriumit të gjuetisë, që pritet të votohet. Sipas tij, në Shqipëri vriten njerëz ditën për diell, kurse Qeverisë i dhimbsen rosat.
“Shpresoj që me veshjet me pantallona të shkurtra, e shapka me gisht, të keni mundësi të na ndiqni edhe ju që keni shkuar me pushime në plazh. Ministrja foli, por më mori vajza 3 vjet e gjysmë dhe më tha “sa mirë i tregonte përrallat ajo teta”. Nuk ka më as çifte bam, as zagarë ham, por vetëm hashash me nam.
E them kështu, sepse ju vendosni vetë çdo gjë, nuk pyesni asnjë lloj kategorie, as ekspertë të kësaj fushe, ju i bëni sipas interesit tuaj. Por, komunistët dhe servilët e partisë, s’e kanë ndaluar asnjëherë.
Këtu o zotëri kërcet kallashi ditën për diell, sepse qeverisë juaj nuk i dhimbsen njerëzit, por i dhimbsen rosat, patat e harabelat. Çfarë po bëni o burri i dheut. Keni 10 vite, ku ka deputetë të PS që kërcasin dyfenin mëngjes për mëngjes. Nuk keni bërë asnjë gjë”, u shpreh deputeti lushnjar Saimir Korreshi në Kuvend.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
