Bënin namin në Gjermani, e pësojnë keq 4 shqiptarë. Ja si u kapën “mat” nga policia

Policia gjermane ka kapur një bandë që shiste kokainë.

Për pasojë janë arrestuar 4 shqiptarë.

Fillimisht zyrtarët e policisë gjermane kapën dy shpërndarës të vegjël shqiptarë dhe kontrolluan banesën e tyre në Hanover javën e kaluar. Në atë moment janë shfaqur edhe dy shqiptarë të tjerë (25, 36 vjeç) të cilët mesa duket kanë dashur t’u sigurojnë ndihmësve të tyre kokainë të freskët. Ata u arrestuan, teksa policia ushtroi kontrolle në banesën e tyre në një lagje të Langenhagenit (rajoni i Hanoverit).

Sipas prokurorisë publike, rreth katër kilogramë kokainë ishin ruajtur në pako të mbyllura në banesë. Vlera e drogës më shumë se 320,000 euro. Hetuesit konfiskuan gjithashtu 42.500 euro para që dyshohet se kanë ardhur nga aktiviteti kriminal. Të katër shqiptarët përfunduan në paraburgim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern