Baba për herë të katërt në moshën 60 vjeçare, trajneri i njohur shqiptar bekohet me binjakë

Trajneri përmetar i futbollit, Kleo Sevo është bërë baba i dy vajzave binjake. Në moshën 60 vjeçare, Sevo i është gëzuar disa ditë më parë ardhjes në jetë të dy binjakeve nga martesa e tij e dytë.

Të shumta kanë qenë urimet për trajnerin përmetar, që veç moshave të këtij qyteti ka drejtuar edhe ekipin e parë.

“Është gëzuar me dy vajza binjake legjenda e futbollit përmetar Kleo Sevo. Nga martesa e tij e dytë sapo erdhën në jetë dy bukuroshet të cilat i urojmë paçin jetën e gjatë e plot shëndet. Kleo Sevo përgëzime, tregove edhe një herë vitalitetin e mashkullit përmetar”, thuhet në njoftim.