Agjentët e policisë së Leçes kanë arrestuar një 49-vjeçar shqiptar me akuzën e bërjes së propagandës ndaj grupeve terroriste. Shqiptari është dënuar nga gjykata me arrest shtëpie pasi policia konstatoi se ai vazhdimisht bënte propagandë për terroristët e ISIS në rrjetet sociale. Gjykata konstatoi se përmes këtyre publikimeve, shqiptari nxiste për krime të ndryshme mbi baza fetare.
Veprimtaria hetimore, e koordinuar nga Shërbimi për Luftën kundër Ekstremizmit dhe Terrorizmit të Jashtëm të Drejtorisë Qendrore të Policisë së Parandalimit, nisi në vitin 2018 pas një raportimi nga sektori i inteligjencës sipas të cilit shqiptari kishte ndryshuar rrenjësisht mënyrën e të jetuarit duke patur një qasje ekstremiste ndaj të tjerëve.
Pas hetimeve të tjera u konstatua sipas mediave italiane se shqiptari kishte filluar propagandimin e mënyrës së jetesës dhe veprimtarisë së ISIS duke mos u mjaftuar vetëm me veten e tij.
