LIGJET E BIZNESIT
14 punonjës police, ish-efektivë, si edhe punonjës të administratës në Shkodër kanë rënë në prangat e policisë. Ata janë arrestuar pasi dyshohet se kanë abuzuar me një tender për rikonstruksionin e godinës së policisë. Por ende nuk bëhet me dije nëse bëhet fjalë për godinën e policisë Shkodër apo atë të Malësisë së Madhe, pasi në të dyja godinat është bërë rikonstruktuar në një periudhë kohore të afërt.
Mes të arrestuarve dallohet Saimir Rustemi, ish-shefi i Rendit në Shkodër. Rustemi së fundmi ishte transferuar me detyrë në Policinë e Dibrës.
Përveç abuzimit me tenderin e rikonstruksionit, efektivët dhe punonjësit e administratës në Shkodër kanë vjedhur edhe pagat e policëve. Specialistja e financës në drejtorinë e policisë Shkodër vodhi pagat e efektivëve dhe i ndante edhe me punonjës të tjerë të Policisë, sipas report tv.
“Nga veprimet hetimore rezulton se gjatë periudhës kohore 2020 deri në fund të vitit 2021, këta punonjës policie dhe punonjës të administratës civile pranë Drejtorisë Vendore të Policisë Shkodër kanë kryer veprime favorizuese dhe fiktive, me qëllim favorizimin e subjekteve të caktuara për përfitimin e tenderave me vlera të vogla që janë zhvilluar nga kjo Drejtori.
Gjatë hetimit ka rezultuar se punonjësit e Sektorit të Auditimit pranë Drejtorisë së Përgjithshme të Policisë së Shtetit, gjatë kryerjes së auditimit të procedurave të tenderimit për vitin 2020 dhe 2021 dyshohet se nuk kanë pasqyruar në mënyrë të qëllimshme shkeljet e kryera në lidhje me procedurat e prokurimeve kryer nga punonjësit përgjegjës të D.V.P Shkodër.
Po ashtu, gjatë hetimeve ka rezultuar se punonjësja V.XH., me detyrë Specialiste pranë Sektorit të Buxhet/Financës në D.V.P Shkodër dyshohet se ka kryer veprime në kundërshtim me ligjin duke përvetësuar shuma të ndryshme parash në periudha të ndryshme kohore, për vete dhe punonjës të tjerë të kësaj Drejtorie, me burim të ardhurat nga paga e punonjësve të policisë”, njofton AMP.
Emrat e të arrestuarve:
Luida Ujka
Mustaf Ishmaku
Arsenida Hadri
Veronika Gjanaj- specialiste financiare
Saimir Rustemi- ishshef i rendit Shkodër
Xhavid Isufi- specialist rendi
Rudina Keçi- specialiste finance
