Shërbimet online të Shqipërisë janë gjetur ditën e sotme në kolaps total.
Pas kësaj, Kryeministria ka dalë me një njoftim për shtyp në lidhje me sulmin kibernetik që ka ndodhur.
Institucioni i lartë i drejtësisë bën me dije se për momentin, me qëllim mbrojtjen e të dhënave janë mbyllura deri në neutralizimin e sulmit.
Sipas Kryeministrisë, sulmi kriminal kibernetik rezulton të jetë i sinkronizuar dhe i sofistikuar nga jashtë Shqipërisë.
Reagimi:
Shqipëria është gjendur ditën e sotme nën një sulm masiv kibernetik, të pandodhur kurrë më parë.
Sulmi kriminal kibernetik rezulton të jetë i sinkronizuar dhe i sofistikuar nga jashtë Shqipërisë.
Për të mos lejuar që kjo goditje të dëmtojë sistemin tonë të informacionit, Agjencia Kombëtare e Shoqërisë së Informacionit ka mbyllur përkohësisht aksesin e shërbimeve publike online dhe faqeve të tjera qeveritare.
Sistemet qeveritare do të qëndrojnë të mbyllura deri në neutralizimin e sulmeve armike, teksa AKSHI po punon me ekipin e Microsoft, me ekipin e Jones Group International dhe kompanitë shqiptare në fushën TIK, për të penguar cenimin e sistemit tonë të informacionit nga ky akt kriminal.
