A do rimarrë drejtimin e partisë që krijoi? Ja si përgjigjet Meta

Ish-presidenti Ilir Meta jashtë selisë së LSI, u shpreh krenar për themelimin e kësaj partie. “Një ditë e re dhe një rrugë e re. Krenar që themelova LSI”, tha Meta.

Dje, Meta përfundoi mandatin 5-vjeçar si president Republikës dhe ia dorëzoi detyrën kreut të ri të shtetit, Bajram Begaj.

Sikurse e ka paralajmëruar ai do t’i kthehet politikës aktive. Në orën 19:00 LSI mban sot Konventën Kombëtare ne Pallatin e Kongrese dhe Meta pritet që të konfirmohet si kryetar i saj.

Ish-presidenti e ka nisur ditën herët, duke përcjellë mesazhe. Në një foto të publikuar me bashkëshorten e tij, Monika Kryemadhi, ai shkruan për “shpresë dhe horizont të ri”. Në një tjetër foto, ku shfaqej duke pirë kafen e mëngjesit me ish-ambasadorin Agim Nesho dhe zëdhënësin e tij në Presidencë, Tedi Blushi, Meta thotë se “është koha për veprim”.

“Nuk jam këtu për të marrë drejtimin e partisë sepse unë e lashë atë,” tha ai.