Shpërthen në lëvizje makina në aksin Sauk-TEG, lëndohet drejtuesi

Ne rrugën Sauk-TEG ka shpërthyer një automjet në ecje e sipër, nuk dihen arsyet e shpërthimit dhe nga se ka shpërthyer, por si pasojë e shpërthimit është dëmtuar drejtuesi i automjetit.

Tiranë/Informacion paraprak

Më datë 11.06.2022, në orën 13:35, në afërsi të TEG-ut, automjeti tip “Benz”, që drejtohej nga shtetasi A. S., 27 vjeç, ka shpërthyer, dyshohet nga lëndë eksplozive.

Si pasojë është dëmtuar drejtuesi i mjetit dhe ndodhet në spital nën kujdesin e mjekëve, në gjendje të rëndë shëndetësore.

Në vendngjarje ndodhen shërbimet e Policisë, ekipi antieksploziv i RENEA-s dhe Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.