Sherri me sende të forta dhe 3 të plagosur në Ksamil, 4 të rinjtë vënë në lëvizje policinë

Policia e Sarandës ka shpallur në kërkim 4 të rinjtë që u përfshinë në një konflikt një ditë më parë në Ksamil me familjen Ahmeti.

Blutë konfirmojnë se u referuan materialet në Prokurorinë pranë Gjykatës së Shkallës së Parë Sarandë, si dhe u shpallën në kërkim shtetasit: Gj. A., 22 vjeç; K. P., 21 vjeç; E. M., 22 vjeç, dhe S. A., 18 vjeç, banues në Shëndëlli, Sarandë, për veprën penale “Plagosja e rëndë me dashje”, e kryer në bashkëpunim.

Mësohet se familja Ahmeti u konfliktua me në familje fqinje pas një debati verbal mes tyre.

Të lënduar mbetën Tiku Ahmeti, Luli Ahmeti dhe Flamur Ahmeti pas sherrit me grushte dhe sende të forta.

Luli Ahmeti u nis një ditë më parë drejt Tiranës me helikopter pasi kishte marrë plagë më të rënda, ndërkohë që dy të plagosurit e tjerë u trajtuan në spitalin e Sarandës.

Tiku Ahmeti, që ushtron një aktivitet biznesi në zonë ka thyerje të kockave në trup, kurse Flamuri ka dëmtime më të lehta.

Materialet i kaluan Prokurorisë, për veprime të mëtejshme.