Sërish rritje temperaturash, si parashikohet moti për sot, e mërkurë 1 qershor 2022

Zhvillimi i një qendre të presionit të lartë atmosferik mbi Ballkanin Perëndimor do të sjelli mbizotërim të kushteve të qëndrueshme atmosferike, ku gjatë paradites do të kemi dominim të kthjellimeve në një pjesë të mirë të vendit.

Sipas MeteoAlb, në orët e pasdites pritet të ketë kalime të pakta vranësirash. Temperaturat e ajrit do të vijojnë të rriten në mëngjes dhe në mesditë, duke luhatur vlerat ditore nga 11 gradë Celsius deri në 32 gradë Celsius.

Era do të fryjë e lehtë dhe mesatare me shpejtësi 35 km/h nga drejtimi veriperëndimor duke krijuar dallgëzim deri në 2 ballë.