“Rama mbrojti Agim Kajmakun” Arrestimi në Itali i ish-kryebashkiakut të PS, Gazment Bardhi publikon videon

Pasi ish-kryebashkiaku socialist Agim Kajmaku u arrestua në Itali pasi u kap me 20 kile kokainë, ka reaguar deputeti i Partisë Demokratike Gazment Bardhi.

Ai publikon një video të kryeministrit Edi Rama, kur mbronte Kajmakun duke e cilësuar atë përgjegjës për  “kriminalizimin e qeverisjes qendrore dhe lokale”.

REAGIMI I PLOTE

Edi Rama është përgjegjës për kriminalizimin e qeverisjes qendrore dhe lokale. Ai nuk mund të fshihet dhe nuk mund ti ikë përgjegjësisë së tij.

Edi Rama e emëroi Agim Kajmakun kryetar të bashkisë së Vorës dhe ai do të ishte sot në detyrë nëse PD nuk do kishte denoncuar të shkuarën e tij kriminale. Asokohe Edi Rama dhe Belinda Balluku, në vend të ndjesës ndaj qytetarëve, zgjodhën baltën ndaj denoncuesve.

Që nga muaji Tetor 2021 Edi Rama ka bllokuar iniciativën e PD për vettingun e politikës. Sot më shumë se kurrë ajo iniciativë duhet të ecë përpara, duke garantuar jo vetëm largmin e të inkriminuarve nga qeverisja, por edhe shkëputjen e lidhjeve mes krimit dhe politikës.