Propozimi i Bajram Begajt për President, vjen reagimi i parë nga opozita

Pas propozimit të Bajram Begajt nga Partia Socialiste për postin e Presidentit të ri, ka ardhur reagimi i parë nga opozita.

Me anë të një postimi në Facebook, ish-deputeti i PD-së, Genc Pollo thotë se Begaj ka përgjegjësi morale, civile, si dhe penale për zhvatjen e bazave detare të Forcave të Armatosura të Shqipërisë.

Sipas Pollos, ai nuk mund të jetë President i Republikës dhe as kryekomandant i Forcave të Armatosura.

Postimi i Genc Pollos:

Begaj ka direkt përgjegjësi morale, civile si dhe penale për zhvatjen e bazave detare të Forcave të Armatosura! Ai nuk mund të jetë President i Republikës!!! As Kryekomandant i Forcave të Armatosura!!!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kryeministri Edi Rama njoftoi pas mbledhjes së Kryesisë së PS-së, se mazhoranca propozoi emrin e Bajram Begës për të marrë postin e Presidentit të ri.

Menjëherë pas njoftimit të kreut të qeverisë, ka reaguar dhe Bajram Begaj i cili ka pranuar propozimin e Ramës.