LIGJET E BIZNESIT
Në konferencën e ministrave, pas mbledhjes së qeverisë, zëvendëskryeministri Arben Ahmetaj u pyet midis të tjerash edhe për situatën e krijuar në vend nga çmimet e papërballueshme të karburantëve.
Teksa një qytetar e blen sot naftën me 258 lekë për litër, një nga gazetaret e pyeti Ahmetajn në qoftë se ai vetë kishte ardhur sot në punë në këmbë për të kursyer.
Ahmetaj theksoi se çmimet janë rritur si pasojë e krizës energjitike ndërsa solli në vëmendje se pavarësisht situatës, Shqipëria e ka inflacionin 6.2 për qind, që sipas tij është më e ulët se çdo vend i rajonit.
“Qeveria ka menduar përpara disa muajsh për ato paketa që sot janë publike dhe në funksion. Shqipëria e ka inflacionin 6.2 për qind, më pak se rajoni kjo ka të bëjë me paketat e subvencionomit të energjisë…Shikoni statistikën e inflacionit në rajon, asnjë vend nuk na afrohet. Është një krizë globale, e ka gjenezën në agresionin rus…”, tha ai.
