LIGJET E BIZNESIT
Disa ditë më parë, Egert Vargu ishte pjesëmarrës në përvjetorin e ditëlindjes së Partisë Socialiste. Natyrisht, do të ketë gjetur anën për të siguruar një foto me liderin e madh, Edi Ramës, ose edhe me liderin pas tij, Erion Veliajn.
Pas kësaj feste, tashmë djaloshi Vargu është në prangat e policisë së Durrësit, nën dyshimet se është i përfshirë në trafikun e 45 kilogramë kokainë nga Brazili drejt Shqipërisë.
Egert Vargu është anëtar i Këshillit Bashkiak të Tiranës dhe zyrtari i radhës i Partisë Socialiste i arrestuar për çështje kokaine.
Uniformat blu njoftuan të Enjten:
“Në vijim të veprimeve për zbardhjen e tentativës për trafikim të një sasi të madhe të kokainës që vinte tranzit nga Brazili për në Maqedoninë e Veriut, … u bë arrestimi në flagrancë, për veprën penale “Trafikimi i lëndëve narkotike”, i shtetasve:
– Arben Ferizi, 30 vjeç, banues në Prishtinë, me detyrë administrator në kompaninë që kishte porositur ngarkesën e mishit të pulës në Brazil;
Egert Vargu, 39 vjeç, banues në Tiranë, me detyrë agjent doganor i kontraktuar nga kjo kompani”.
Sakaq, deri më tani, nuk ka ende informacione konkrete për rolin e dy personave të arrestuar teksa Policia dhe Prokuroria e Durrësit dyshojnë se Arben Ferizi dhe Egert Vargu duhet të jenë të përfshirë në trafikun e kokainës, i cili mbërriti në Port në një ngarkesë mishi nga Brazili.
Media “Boldnews.al” konkludoi se agjenti doganor Egert Vargu, është njëkohësisht edhe anëtar i Këshillit Bashkiak të Tiranës, i cili ka dalë nga votimet mono-partiake të 30 qershorit 2019.
Vargu është pjesë e “armatës” politike në Bashkinë e Tiranës, të drejtuar nga Erion Veliaj. Arrestimi i Vargut i shtohet listës së gjatë të zyrtarëve të “Rilindjes”, të dyshuar si të përfshirë në trafikun e lëndëve të forta. Përmendim që nga radhët e socialistëve u arrestua para pak ditëshish-kryebashkiaku socialist të Vorës, Agim Kajmaku, të cilit iu gjetën rreth 20 kilogramë kokainë në automjet
