Incident në Jubileun e Mbretëreshës Elizabeth, 3 ushtarët humbin ndjenjat jashtë Katedrales (VIDEO)

Një incident ka ndodhur me tre ushtarët e Mbretëreshës Elizabeth të Britanisë së Madhe.

Raportohet se atyre u ka rënë të fikët teksa qendronin në roje jashtë Katedrales së Shën Palit sot për shërbimin jubilar të falënderimeve.

Ngjarja u shënua pak para se Princi Charles, i cili përfaqëson zyrtarisht Mbretëreshën sot, të mbërrinte në katedrale për ceremoninë speciale për të nisur festimet e Jubileut të Platinit të Madhërisë së Saj.

Ata që ishin në detyrë ruajtën profesionalizmin dhe gjakftohtësinë e tyre, ndërsa tre ushtarët u ndihmuan të ngriheshin në këmbë.

Me temperaturat prej rreth 20 gradë Celsius sot në Londër, qëndrimi për orë të tëra në vapë dhe uniforma të plota ushtarake, shkaktoi ndikimin e rojeve, të dy nga regjimente të ndryshme, të cilët u inspektuan dhe u kontrolluan.

Sipas Dailymail, ushtari i pare, një anëtar i Regjimentit të RAF,  u largua nga Shën Pali për t’u rikuperuar nga dy ushtarë të tjerë, ndërsa i dyti një anëtar i artilerisë mbretërore kanadeze, vazhdoi të rrinte roje në shkallët e Katedrales.

Ndërkohë, ushtari i tretë, një anëtar i rojes së Mbretëreshës, iu desh të mbështetej në një mur përpara se të dërgohej te një ndihmës mjek.

Duka dhe Dukesha e Kembrixhit, Princi Harry dhe Meghan kanë udhëhequr mbërritjet në Katedralen e Shën Palit, pasi u bashkuan me qindra politikanë dhe personalitete në mbështetje të Mbretëreshës dhe familjes së gjerë mbretërore.

Mbrëtëresha, 96 vjeçe, u tërhoq nga ceremonia e sotme për shkak të problemeve të vazhdueshme të lëvizjes pasi ajo përjetoi ‘disa siklete’ teksa mori pjesë në festimet e Pallatit Buckingham.