Hidhet në erë me tritol makina e policit në Kavajë

Një makinë ka shpërthyer në qytetin e Kavajës. Maina ka qenë e parkuar në garazh dhe është në pronësi të një punonjësi policie.

Ngjarja ka ndodhur pranë tregut Industrial të qytetit, zonë ku ka qenë edhe ish policia e vjetër.

Sipas News 24 dyshimet e para janë që kemi të bëjmë me një shpërthim me tritol.

Shpërthimi ka qenë tepër i fuqishëm sa është dëgjuar në pjesë të ndryshme të qytetit të Kavajës.

Fatmirësisht nuk ka pasur persona të plagosur, ndërsa zona është mbuluar nga tymi.