“Është e vërtetë” Rama e pranon në Kuvend: Kemi çmimin më të lartë të karburantit, por taksat janë më të ulëta

Kryeministri Edi Rama pranoi sot nga foltorja  e Kuvendit se Shqipëria ka naftën më të shtrenjtë në rajon.

Por këtë ai e ka justifikuar se po shpërndan barrën e krizës.

Sipas Ramës, Shqipëria ka taksat më të ulëta në rajon dhe se biznesit të vogël nuk i merr asnjë lekë. Ai është ndalur edhe tek subvencionimi i energjie për familjarët.

Rama: Është e vërtetë nuk është sekret, ne kemi një çmim më të lartë se të tjerët në rajon. Por ndryshe nga të tjerët në rajon ne kemi taksat me të ulëta. Ndryshe nga rajoni ne biznesit të vogël nuk i marrim asnjë lek. Ndryshe nga rajoni ne vërtet e kemi më të lartë taksën mbi biznesin e madh por ne subvencionojmë 100% energjinë elektrike, dhe të gjitha këto janë para, sepse ne ju japim para të gjithë shqiptarëve që lëvizin me transportin publik. Ne do vijojmë t’i japim para për naftën fermerëve, jo më larg se sot kemi folur për të shtuar sasinë, sepse ndryshe nga rajoni ne kemi një industri peshkimi që është në rritje të vazhdueshme. Sepse barrën e krizës do e shpërndajmë.

Këto janë të vërtetat e këtij moment, që është një moment shumë i vështirë, kërkon debat dhe ide të reja por nuk kërkon të vijojë avazi sikur këtu nuk ka ndodhur asgjë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern