“Biftek floriri”, Sergio Ramos vihet në qendër të kritikave

Sergio Ramos, mbrojtësi spanjoll i PSG, është vënë në qendër për shkak të një foto të postuar. Ai ka ndarë me ndjekësit një selfie duke konsumuar një byftek të mbuluar me flori. Vetëm byfteku kushton 1 mijë euro, një shifër relativisht e lartë.

“Edhe pse sezoni i tij i parë te PSG-ja ishte një dështim total, kjo nuk e ka penguar Sergio Ramosin që të fusë në xhep gati 20 milionë eurot neto që i garanton kontrata me francezët, por mbi të gjitha që të shijojë pushimet e tij të ekzagjeruara”-shkruan një tifoz.

“Gjysma e Spanjës duhet të punojë 50 euro në javë për të prekur atë shumë që ky e ka paguar thjesht sa për të dalë në foto”. Epo ky është fati i futbollistëve, ndonëse foton në fjalë Ramos e fshiu nga “Instagram”-i sapo mori bombardimet me ofendime.