Bajram Begaj nuk humbet aspak kohë/ Ja veprimi i parë që bëri si President

Një ditë pasi u votua në parlament, si presidenti i Republikës së Shqipërisë, Bajram Begaj ka zhvilluar takimin e tij të parë me ish-presidentin Alfred Moisiu, i konsideruar edhe si një nga krerët më të mirë të shtetit në vendin tonë në periudhën e pluralizmit.

Takimi i informal nisi rreth orës 10:00 dhe është bërë me kërkese të presidenti të sapozgjedhur Bajram Begaj. E përbashkëta midis tyre, është fakti se të dy vijnë nga një karrierë ushtarake. Në fokus të takimit mësohet ka qenë detyra e re e Begajt ku Moisiu i ka ofruar disa këshilla presidentit të ri.

Deri në marrjen e detyrës së Presidentit të Republikës së Shqipërisë, Begaj do të zhvillojë edhe disa takime të tjera. Në ditët dhe javët në vijim pritet të ketë takime me ish-presidentë të tjerë të vendit si Bamir Topi apo dhe Rexhep Meidani. Bajram Begaj u zgjodh nga parlamenti me 78 vota pro, 4 kundër dhe 1 abstenim, duke marre edhe një votë nga opozita, ndrësa Berisha dhe Alibeaj e bojkotuan votimin.