Zjarr në periferi të Athinës. Banorët janë detyruar të evakuohen pasi një zjarr në periferi të kryeqytetit grek Athinë kërcënoi shtëpitë dhe linjat e energjisë, tha një zyrtar i brigadës së zjarrfikësve. I nxitur nga erërat e forta të shtunën, zjarri u përhap shpejt në shpatet e malit Hymettus, i cili ka pamje nga Athina, duke dërguar re të dendura tymi mbi periferitë jugore të qytetit.
“Erërat janë shumë të forta, kemi dëme në disa shtëpi dhe disa makina, por pa të lënduar”, thane autoritet greke per agjencinë e lajmeve Reuters.
Mbrojtja Civile Greke lëshoi një apel urgjent përmes SMS për njerëzit që të largoheshin nga Ano Voula dhe zonat përreth, pasi flakët u përhapën në disa metra larg shtëpive. Autoritetet e mbrojtjes civile filluan gjithashtu evakuime paraprake në disa pjesë të Glyfada rreth 20 kilometra nga qendra e Athinës.
Më shumë se 100 zjarrfikës të ndihmuar nga gjashtë avionë zjarrfikës dhe katër helikopterë luftuan zjarrin që filloi pas mesditës në Glyfada, tha brigada e zjarrfikësve.
