LIGJET E BIZNESIT
Pas aksidentit të rëndë që ndodhi dje në Tiranë, ku 39-vjeçari Ajas Sulejmani përplasi me makinë një çift bashkëshortësh dhe fëmijën e tyre 3 muajsh, te rruga e Kavajës, Policia e Shtetit ka shtuar kontrollet.
Konkretisht, shefi i Qarkullimit të DVP Elbasan Kreshnik Skëndaj ka folur për gazetarët duke paralajmëruar se do të ketë zero tolerancë për të gjithë drejtuesit e mjeteve që nuk respektojnë rregullat ndërsa kishte një apel për qytetarët që të bashkëpunojnë me policinë.
Ndërsa ai shtoi se do të jetë një tmerr i vërtetë për të gjithë ata drejtues mjetesh që nuk respektojnë këmbësorët.
Skendaj: Masat janë shtuar, forca goditëse e policisë është shtuar.Dua ti bëj apel perdoruesve te rrugës, këmbësoreve. Kemi shtuar masat, kemi ndëshkuar drejtues mjetesh që nuk i japin përparësi këmbësorëve të vizat e bardha.
Policia do të përdorë të gjithë forcën e ligjit. Ka ardhur edhe një aparat drogë-testues. Ne do te qëndrojmë shumë fort në shkelje por kërkojnë edhe bashkëpunimin e qytetarëve për të denoncuar por edhe për të respektuar këto rregulla për të bërë të mundur parandalimin e aksidenteve me pasojë.
Aparati drogë-testues ka ardhur ditët e fundit, nuk ka pasur raste por ka patur raste të përdorimit të alkolit.
Vetem mbreme policia ka konstatuar 20 drejtues mjetesh nen efektin e alkoolit , 2 te arrestuar ne gjendje te dehur. Tolerancë zero ndaj këtyre drejtuesve. Do jete nje tmerr i vertete per te gjithe drejtuesit e mjeteve qe nuk respektojne kembesoret.
