Rasti i Ilvi Metës/ Berisha: S’mund ta krahasosh këtë me 21 janarin

Ish kryeministri Sali Berisha ka marrë pjesë në protestën e heshtur në Tiranë, pas vdekjes së 31-vjeçarit Ilvi Meta në Komisariatin e Kavajës.

Berisha u shpreh se kjo është një protestë sensibilizuese, ndërsa paralajmëroi se shumë shpejt do të fillojnë edhe protestat kundër pronave publike.

I ndalur tek 21 janari, Berisha tha se janë dy ngjarje që nuk mund të krahasohen, pasi kjo do të ishte një verbëri militanteske.

“Të krahasosh ti një person që gjuan me gur me dinamit një ushtar të armatosur të gradës me një person që ndodhet në qeli dhe të dalë i vdekur ka një verbëri militanteske”, tha ai.

Gjatë fjalës së tij ish-kryeministri tha se vrasjet apo vetëvrasjet në komisariate nuk duhet të ndodhin dhe sipas tij këto janë vrasje shtetërore dhe autoritetet duhet të marrin masa.

“Çdo qytetar ka të garantuar jetën në çdo vend të lirë. Në Shqipëri është tragjike sepse ka të rinj që shkojnë në qeli të shoqëruar me shëndet të plotë dhe dalin prej tyre me arkivol. Rasti i Ilvi Metës në Kavajë është rast tragjik dhe dëshmon fytyrën e vërtetë të narkoshtetit shqiptar. Asnjë nga përgjegjësit kryesor të narkoshtetit nuk ka shqipëruar një fjalqë të vetme për këtë dramë të një të riu që nuk meritonte të humbiste jetën në institucione shtetërore. Por ky është morali i kësaj bande në pushtet që rezation në të gjitha institucionet.”, tha Berisha.

Berisha më tej u shpreh se rasti i Ilvi Metës dëshmoi fytyrën e vërtetë të këtij narkoshteti,.

“Kjo qeveri funksionon si organizatë kriminale që plaçkit këta qytetarë me firma , vendime e rregullore çdo ditë. U faktua se Edi Rama, në Kundërshtim me çdo ligj aplikoi procedurën e negociatave të mbyllura për inceneratorë. Don Agaçi në vend që të zbatonte ligjin i gjeti nofka kësaj procedure për të firmosur. Në asnjë vend të botës, përveçse në luftë nuk mund të firmosen për një çështje 10 dokumente zyrtare në një ditë”, tha Berisha, duke shtuar: “23 vetë janë dënuar për Gërdecin, duhet të skuqet njeriu që mohon mbase 100 vite burg për atë ngjare. Ju thatë askush nuk janë dënuar. Unë ju them se është dënuar gjithë piramida.”bw